29
Sat, Apr
80 New Articles

Die ovaalbaanmanne en -vroue van Kathu het op 08 April 2017 weer baie goed gevaar by die ovaalbaan-wedrenne in Vryburg.

In die 1660-klas het Edward Van Den Heever derde plek behaal. 

In die 2.1-klas het Schalk Van Der Merwe tweede plek behaal. 

In die Lexus-klas het Nicky Beukes eer-ste plek behaal. 

In die 2 wiele-klas was Myrijke Theron eerste en Danelle Janse Van Vuuren twee-de. 

Baie geluk aan al die drywers.

Op Saterdag 04 Maart 2017 het twee van Kathu se ovalbaanmanne uitgeblink by die Noord-Kaap streeksbyeenkoms in Kimberley. In die V8-klas het Charles Williams 'n tweede plek behaal (foto links). In die 2.1-klas het Schalk van der Merwe 'n derde plek behaal (foto regs). Die Kathu Gazette wens hulle baie geluk met hierdie mooi prestasies.

Pointer was sy naam – dié oorwegend swart skaaphondkruis met die witpunt stertjie was die eerste “shelter”hondjie wat toe vir byna 11-jaar ‘n permanente inwoner geword het. Sy ma het sewe kleintjies gehad, is gesteriliseer, terug na haar eienaar en die sewe was afwagtend vir huise. Almal is geplaas maar Pointer het oorgebly - as permanente inwoner en “hoofman oor honderde ” wat deur die siklusse van die Forum gegaan het. Hy sou later ook ‘n lewensredder van vele honde word, wat bloed aan die veearts geskenk het as honde bloed benodig het.

Laat Desember 2016 het Pointer siek geword aan ‘n uitwendige swelling/gewas en het ten spyte van goeie mediese behandeling nie die paal gehaal nie. ‘n Groot gemis in die hokke heers en nog groter onder die betrokkenes wat saam met hom die jare deurloop het.

Hy is plegtig in die veld begrawe met ‘n tydelike houtkruis wat later vervang gaan word met ‘n stewige houtkruis. ‘n Hondevriend word gegroet – met groot hartseer.

 

POINTER – MAART 2006 – 29 DESEMBER 2016. RIV.

 

 

FOTO: Pointer, as jonger hond, van wie die Diereforum met groot hartseer afskeid geneem het.

Tydens die Goue Gerwe se byeenkoms op 21 Februarie 2017 het die klinieksuster van Clicks, Jacky Visser-Vermeulen, die dames toegespreek oor die uiters interessante onderwerp van Dementia en Alzheimers, Parkinsons. Aangesien dit toestande van veral die ouderdom is, het almal met volle aandag geluister.

Daarna het die apteker van Clicks, Fransien van der Westhuizen gepraat oor die medikasie en behandeling van die toestande wat al drie ongeneeslik is op hierdie stadium. Sy het ook uitgewys dat persone met diabetes, hoë bloeddruk en cholesterol meer vatbaar is vir die toestande.

 

Fransien van der Westhuizen, Apteker en Jacky Visser-Vermeulen, Klinieksuster, albei van Clicks by Kathu Village Mall.

 

 

Die AfriForum-tak in Kathu het die afgelope naweek besluit om straatname te verf in dié strate waarvan die name nie meer duidelik of glad nie sigbaar was.

“Die veldtog is van stapel gestuur omdat dit moeilik is vir die buurtwag wat patrollie ry om strate uit te ken as dit nie gemerk is nie. Ons kan nie sit en wag dat dit vir ons gedoen word nie,” sê Carel Reyneke, voorsitter van die veiligheidsportefeulje van die AfriForum-tak in Kathu.

Die projek is in samewerking met lede van die plaaslike gemeenskapspolisiëringsforum (GPF) aangepak. Die AfriForum-tak het ook stensils gemaak en verf aangekoop vir hierdie aksie.

“Ons moedig lede aan om by die buurtwag betrokke te raak. Saam kan ons misdaad in ons dorp verminder,” sluit Reyneke af.

Wys jou steun vir die aksie: SMS “Kathu” na 32532 (R1).

 

Voor vlnr Marius van Zyl, Gaffie Bruwer, PJ van der Linde en Monique van der Merwe; agter Kobus Cloete.

 

 

Nuutgeverfde straatnaam.

Mev Ronel Thorpe van Kathu, het na ‘n verbondenheid van 28 jaar aan die NCCRTVET RURAL COLLEGE – Kathu Kampus – die tuig aan die einde van Januarie 2017 neergelê.

Sy was 12 jaar lank die Afdelingshoof van Sakestudies aan dié Kollege.

Sy en haar man, Paul, wat albei Postmasburgers was, het destyds na Kathu verhuis waar hy aan die Kumba myn verbonde was tot en met sy aftrede ‘n paar jaar gelede.

Hulle het twee getroude seuns, Johan en sy gesin van Kimberley en Alfred en sy vrou wat in Somerset-Wes woon.

Die egpaar gaan nie ankers uit Kathu lig nie lig nie aangesien hulle hul “nessie opgegradeer en hulself deeglik daar tuisgemaak het”. Met Ronel wat ook nou meer los is,

sal die twee kleinkinders in Kimberley sekerlik meer van oupa en ouma te siene kry.

‘n Rustige en geseënde aftrede julle toegewens. Voorspoed!

 

Ronel Thorpe.

 

 

Dames van die APK het op Woensdagaand 15 Februarie 2017 ‘n kombuistee vir die kerk-kombuis gehou. ‘n Groot getal dames het die geleentheid bygewoon. Elkeen het ‘n geskenk gebring met iets wat hulle weet die kerk-kombuis benodig. Die dames het ‘n “musical chairs”-tipe speletjie met die geskenke gespeel, wat natuurlik groot pret was. Elkeen het sommer ook die geleentheid gekry om ‘n geskenk vir die kombuis oop te maak. Marike Stans het die speletjie gewen en self ‘n geskenk ontvang. Baie geluk!

 

Page 1 of 21