Lê tuig neer na 28-jaar by Kathu Kollege

Streek / Regional
Typography

Mev Ronel Thorpe van Kathu, het na ‘n verbondenheid van 28 jaar aan die NCCRTVET RURAL COLLEGE – Kathu Kampus – die tuig aan die einde van Januarie 2017 neergelê.

Sy was 12 jaar lank die Afdelingshoof van Sakestudies aan dié Kollege.

Sy en haar man, Paul, wat albei Postmasburgers was, het destyds na Kathu verhuis waar hy aan die Kumba myn verbonde was tot en met sy aftrede ‘n paar jaar gelede.

Hulle het twee getroude seuns, Johan en sy gesin van Kimberley en Alfred en sy vrou wat in Somerset-Wes woon.

Die egpaar gaan nie ankers uit Kathu lig nie lig nie aangesien hulle hul “nessie opgegradeer en hulself deeglik daar tuisgemaak het”. Met Ronel wat ook nou meer los is,

sal die twee kleinkinders in Kimberley sekerlik meer van oupa en ouma te siene kry.

‘n Rustige en geseënde aftrede julle toegewens. Voorspoed!

 

Ronel Thorpe.