25
Sun, Jun
42 New Articles

Die bars wat dwarsdeur die binnekant van die velling deurloop, kan baie duidelik gesien word. Beide wiele is op dieselfde wyse onherstelbaar beskadig.

 

 

‘n Onaangename ervaring wat noodlottige gevolge kon hê het mnr. Johannes Bester van Erasmusstraat Sondagoggend 6 November 2016 getref toe hy by die enigste robot gestop en links gedraai het op pad dorp toe.

‘n Swaar vragmotor met ‘n sleepwa aan het van voor gekom en die draai wyd oor die stippellyn gevat dat mnr. Bester van die pad af moes wyk om nie deur die swaar voertuig getref te word nie. In dié proses het hy ook ‘n slaggat aan die kant getref wat twee van sy bande en wieldoppe onherstelbaar beskadig het. Die insident het ongeveer 08:15 plaasgevind.

Die SAPD is in kennis gestel wat die saak opgeneem het. Die swaar voertuig het al oor die brug in die Kathurigting verdwyn sonder om te stop en mnr. Bester kon in die poging om ‘n noodlottige ongeluk te vermy nie die registrasienommer neem nie.

Nadat die skade bepaal is, verneem mnr. Bester, dat dit ongeveer R10 000 sal kos....

Hy vra tereg waarom sulke swaar voertuie deur die dorp – ook op ‘n Sondag – ry? Op hul korrekte verbyroete beskik Jimbos oor al die nodige eet- en drinkgoed. Hy is egter dankbaar om met sy lewe af te kom want

hy kon met motor en al gelyk met die pad getrap gewees het.

(Terloops – vanoggend – Maandag - toe ek 10;00 dorp toe ry, staan ‘n groot donkerblou trok – met ‘n trailer aan – voor Spar geparkeer. Dit versper die uitsig van die verkeer wat in- en uit dié parkeer terrein moet beweeg...) en neem al die buite parkering op....)

 

Die Mona Lisa’s het op Vrydag 21 November 2016 hul vyfde Flikflooi, soos hulle hul byeenkomste noem, by Gamagara Lodge gehou. Hierdie keer was dit ‘n Kersfees flikflooi met die oulikste geskenk-idees.

Hettie du Plessis het haar jeugboek, Operasie Gebakte Pere aan die dames bekendgestel. Dit is ‘n goeie geskenk idee vir kinders tussen 8 en 12 jaar. Selfs vir volwassenes is dit ‘n goeie idee om (selfs tweedehandse) boeke mooi toe te draai as geskenk.

Vir die volgende Pypkaneel-kompetisie bak die dames Kersfees-koekies.

Jenny Gerber het die oulikste geskenk-in-‘n-bottel idees in die Kweperlat-afdeling gedeel. Die dames kan dan ook elkeen vir die Kersete so ‘n geskenk-in-‘n-bottel saambring om onder mekaar uit te ruil.

“Vergeet appels – ‘n huisie knoffel ‘n dag laat die dokter wag!” was die tema vir die Kalbas-afdeling. 

Die volgende Flikflooi is op Vrydag 25 November 2016 om 9:00, weer by Gamagara Lodge. Dames wat belangstel om by die Mona Lisa’s aan te sluit, is welkom om vir Jenny te kontak by 073 222 8317.

 

Die 1971 matriek-klas van Hoërskool Kalahari het die naweek van 4 tot 6 November 2016 hul 45-jaar reünie gehou op Kuruman. Elkeen het dit terdeë geniet.

Kathu Inn – Part Of The Country Hotels Group is proud to announce that they have received a TripAdvisor® Certificate of Excellence.

Now in its sixth year, the achievement celebrates hospitality businesses that have earned great traveller reviews on TripAdvisor over the past year. Certificate of Excellence recipients include accommodations, eateries and attractions located all over the world that have continually delivered a quality customer experience. 

"With the Certificate of Excellence, TripAdvisor honours hospitality businesses that have consistently received strong praise and ratings from travellers”, said Heather Leisman, Vice President of Industry Marketing, TripAdvisor. “This recognition helps travellers identify and book properties that regularly deliver great service. TripAdvisor is proud to play this integral role in helping travellers feel more confident in their booking decisions.”

The Certificate of Excellence accounts for the quality, quantity and recency of reviews submitted by travellers on TripAdvisor over a 12-month period. To qualify, a business must maintain an overall TripAdvisor bubble rating of at least four out of five, have a minimum number of reviews and must have been listed on TripAdvisor for at least 12 months.

Gaste by die vrolik gedekte tafel.

 

Die Goue Gerwe het op Dinsdag 8 November 2016 hul Kersete by die Albatross Restaurant gehou. Dit was ‘n heerlike ete en as iemand honger huis toe gegaan het, was dit sy eie skuld.

Die vermaak, wat deur Petro de Klerk gereël is, het ‘n vrolike atmosfeer geskep. Agt van die Postmasburg Eisteddfod-deelnemers van Laerskool Kathu se graad 3’s het hul versies opgesê.

Toors Bezuidenhout, wat nog maar ‘n jaar lank musiek neem by Petro, het die Radetski Mars gespeel, waarvoor hy ‘n Junior Diploma ontvang het.

Petro het duette gespeel saam met Amanda Cornellisson en Marko van Niekerk.

Chanél du Plessis het twee stukke op haar dwarsfluit gespeel.

Geskenke is uitgeruil en die dag is op ‘n hoë noot afgesluit.

 

 

 

 

Tydens ‘n algemene vergadering op 11 Oktober 2016, is ‘n nuwe bestuur vir die Goue Gerwe verkies. Voor: Petro Sache (Ondervoorsitster), Delinda Coetzee (Sekretaresse) en Poppie Landman (Tesouriere). Agter: Rose Bothma (Voorsitster) en Annie Steyn (Addisionele Lid).

DP Swiegers en Sybrand Brink is die gelukkige wenners van Kathu Gazette se Braaidagkompetisie. Hulle wen ‘n Cape Union Mart slaapsak, geborg deur Jannie Mouton.