25
Sun, Jun
42 New Articles

Van die Diereforumlede van Postmasburg wat gehelp het. Vlnr. Vicky Henrico, Tina Snyman, Thea Fourie, Liezl Calitz, Wilma Van Zyl en Daphne Benade.

 

‘n Langverwagte ideaal het op 3 Oktober 2016 vir die plaaslike Diereforum gerealiseer met die besoek van veeartse en personeel vanuit verskeie

gebiede om gespesialiseerde diens aan die diere van behoeftige persone te verskaf en sodoende die lewe van hierdie diere te verbeter.

Drie vroueveeartse, dokters. Lea Shuda, Maike Otterman en Ashley Pretorius, saam met die beheervoerende tegnikus van die provinsie, mnr. Deon Kriel van Kimberley en verskeie ander dieregesondheid tegnici en gewillige helpers, was die weldoeners wat ‘n groot aantal diere onder hande gehad het.

‘n Bussie en ander voertuie vanuit Kimberley, Upington, De Aar en Calvinia het by ‘n perseel in die Industriële gebied van Postmasburg byeengekom vanwaar die dienste uitgevoer is. Persone vanuit die provinsie het verskillende dienste verrig – Kimberley, De Aar, Upington, Kuruman, Calvinia en selfs vanuit Van Zylsrus was iemand teenwoordig en Postmasburg se Forum en helpers was raakvatters.

Hierdie dienste word hoofsaaklik gedoen vir eienaars van honde wat dit nie kan bekostig om operasies soos sterilisasies en ander belangrike mediese hulp aan oorwegend katte en honde te laat doen nie. Die vorige week het Diereforumlede en medewerkers die woongebiede besoek en

diesulkes geïdentifiseer.

Hierdie aksie is geïnisieer uit die verpligte diens wat staatsveeartse na voltooiing van hul studies moet doen (CCS) wanneer hul beskikbaar kan wees.

Waar behoeftes bestaan word die kantoor in Kuruman gekontak wat dan volgens hierdie behoeftes ‘n tydrooster in die streek bepaal.

Tydens die besoek het 60 diere onder die bekwame hande van die veeartse en medewerkers deurgeloop, wat 52 honde en 6 katte se sterilisasies en kastrasies insluit. Ongelukkig moes 3 diere “uitgesit” word weens katgriep en ‘n werpsel van 9 is ook “uitgesit” omdat die eienaars hulle nie wou hê nie - ‘n aanduiding van hoe effektief en hoeveel waardering daar vir die steriliasies is.

Daar word verneem dat daar Donderdag (datum nie bekend) ook by die gemeenskapsentrums van Postdene, Newtown en Boichoko inspuitings gratis teen hondsdolheid vir alle honde en katte toegedien gaan word omdat die siekte ook in dié area teenwoordig is.

Hierdie besoek was ook ‘n uitkoms vir baie diere wat die bose kringloop van ongekontroleerde aanteel en die gevolglike swaarkry van die diere weens verskeie faktore – buite hul beheer - moet ondergaan.

 

 

 

 

Die AfriForum-tak in Postmasburg het 20 bome by Hoërskool Postmasburg en Laerskool Postmasburg geplant as deel van dié burgerregte-organisasie se nasionale boomplantmaandveldtog.

Volgens Gonda Louw, AfriForum se streekskoördineerder, beoog die organisasie om meer as 1 100 bome landwyd te plant.

“Bome is ’n erfenis. Dit is ’n belangrike deel van die ekostelsel en is ’n natuurlike hulpbron waarsonder niemand in staat sal wees om te oorleef nie. Bome verskaf suurstof, skaduwee en voedsel,” sê Gonda Louw.

“Die tak moedig die gemeenskap aan om by die veldtog betrokke te raak en deel te word van ’n beter en groener toekoms,” sê Johan Brits, voorsitter van Postmasburg-tak.

 

Matt Markram (vierde), Pieter de Jager (derde), Lammie Kriek (eerste), Kobus van Wyk (tweede) en Dennis Jacobs (eienaar van DoringDraad).

 

Die jaarlikse Beste Baardkompetisie is op Saterdag 1 Oktober 2016 gehou by DoringDraad - die Kalahari Kuier-Kroegie in Deben.

Tesame met die Baardkompetisie is die Buffelsfontein Baardolie en die Buffelsfontein Lewerolie Craft Bier reeks hier vir die eerste keer bekendgestel.

Dit was 'n absolute dag van pret en die gaste het omtrent gelag vir die deelnemers se manewales en danspassies - enigiets om Baardolie te wen! Christelle Niemand, seremoniemeester van die dag, het hulle behoorlik laat werk vir die pryse.

Eerste plek is gewen deur Lammie Kriek, tweede plek Kobus van Wyk, derde plek Pieter De Jager en die vierde plek Matt Markram.

Almal het lieflike Buffelsfontein Baardolie produkte gewen - oorhanding deur DoringDraad se eienaar, Dennis Jacobs.

Die Baardkompetisie word weer aangebied in Mei 2017 - dus kan die jagters en baardmanne betyds begin roskam.

Kathu en omgewing word uitgenooi om die Lewerolie Craft Bierreeks te proe by DoringDraad tesame met hul gewilde Gourmet Roosterkoeke!

Op Saterdag 29 Oktober, hou DoringDraad ‘n Donkiekar Derby. Kom ry saam uit op die stofpad vir cocktails met 'n donkiekarretjie, keer daarna terug na die Draad vir 'n heerlike ete en prysuitdeling. Meer besonderhede volg op Facebook: Doringdraad Kontrei-Kuierplek in Deben Kalahari.

 

 

 

 

Lynn en Emeldine Olyn het op 1 Oktober 2016, nie net die mooiste mooiste maand met hul mooiste dag verwelkom nie, maar ook geskiedenis gemaak! Hulle is die eerste paartjie wat in die splinternuwe Assembly of God Church in Siyathemba getroud is. Baie geluk!

Familie, vriende en Goue Gerwe vriende het op Saterdag 1 Oktober 2016 Annetjie Coetzee se tagtigste verjaarsdag gevier. Die partytjie was in die Gereformeerde Kerksaal waar daar ‘n gesellige atmosfeer geheers het. Almal het weggelê aan die heerlike braaivleis en wat daarby hoort. Die Kathu Gazette wens haar ook geluk met die mylpaal en vertrou dat sy nog lank haar plek sal volstaan in die gemeenskap.

André Roberts en Marshall du Plessis spog met ‘n splinternuwe gospel hip hop treffer, “Never let me go”.

Hulle het die strate van Kathu ingevaar en die liedjie vir mense gespeel en hulle gevra om dit ‘n punt uit 10 te gee. Die gemiddelde antwoord was 8 uit 10.

Almal was mal daaroor en daar is selfs winkels by Kathu Village Mall wat dit speel. Dit word ook op Kurara FM gespeel.

Laai gerus die liedjie af by: http://www.mediafire.com/file/aa2x7tmfr9gcbsv/Never_Let_Me_Go_Siddy_ft_Gong.mp3

 

 

André Roberts en Marshall du Plessis.

Susan Bezuidenhout launched her private practice as Industrial psychologist and Coach in Kathu. She has always been intrigued by human behaviour and her life purpose is to grow people, teams, organisations and societies to their full potential.  

 

No matter what you think, you are more than that. Guiding principles supporting her work include:

·        Growth strategies that are focused on bringing happiness and success to her clients

·        Knowing, developing and playing to your strengths facilitate greatness

·        When you are no longer able to change a situation, you are challenged to change yourselves

·        Every person has a purpose in life, a special talent

·        There is no such thing as failure, there is only feedback

 

Her core skill as coach is to become more self-aware and experience greater levels of joy, resourcefulness and productivity in his/her personal and professional life. Her corporate career gave her a thorough understanding of the requirements to excel in the world of work.  

 

Kathu base practice focuses on:

·        Personal, Professional and HR professional coaching empowering you to being your best.

·        Career guidance from Gr 7 learners and adults include a full assessment of core aptitudes; personality; interests; and values scales plus in-depth interview

·        3-hour coaching clinics in personal excellence and HR master classes.

 

Al of the above are also available after hours 17:00-19:00 and on Saturdays 8:00-20:00

 

Her practice is on the corner of Essenhout street and Karee Avenue. Entrance of practise in Essenhout. You can contact her on nr 082 737 1355 or via Email This email address is being protected from spambots. You need JavaScript enabled to view it.. Book you session online-website www.susanbezuidenhout.co.za