25
Sun, Jun
42 New Articles

Stresvlakke loop hoog en daarmee saam kou die senuwees. Regtig? Miskien dertig jaar gelede. Tye het verander my ou! Vandag se eksaminators by ABRSM (Associated Board of Royal Schools of Music ) kom groet jou by die deur. Hulle weet jy is in baie gevalle ‘n tweede of derde taalleerder – alle eksamens word in Engels afgeneem, behalwe natuurlik as jy vra vir ‘n tolk. Hulle skep ‘n positiewe atmosfeer in die eksamenlokaal en baie professioneel maar vriendelik handel hulle die eksamen tjop-tjop af! ‘n Graad een Klaviereksamen duur net nege minute! Sjoe! Daar is dan ‘n hele jaar se werk en voorbereiding sommer in ‘n oogwink verby! Netso!

Cati Basson kan hiervan getuig. Sy het vanjaar haar graad een eksamen geslaag met ‘n hele 122 uit 150. Dis 81.3%. Dan was daar die twee graad twee’s, Armand Venter met 112, dis ‘n stewige 74,6% en Michelle Breedt ( 127 uit 150) met 84.6% Danelle Venter het met 126 vir Graad vier puik presteer, 84%.

Jy moet weet dat die slaagpunt vir so ‘n ABRSM eksamen 100 uit 150 is, m.a.w. 66.6% En om te kom kyk of jy regtig hier in die Suidpunt van Afrika jou ding kan doen, word die eksaminator oor die waters gebring, direk uit Engeland.

 Hierdie vier outjies is alreeds weer kliphard aan die oefen, hierdie keer vir ‘n konsertuitvoering op 11 November 2016. Dit gaan vir jou ‘n “jol” wees. Lekker ligte klassieke nommertjies, bietjie jazz, en lekker moderne musiek. Saam met hierdie vier helde, speel sommer ‘n hele kaboedel musiekleerlinge saam.

So, as jy jou dosis kultuur wil inneem voor die einde van die jaar, kom kyk, kom hou tyd met jou tone en sing sommer saam in jou hart en kop!

 

Cati Basson 81% (graad 1), Michelle Breedt 84% (graad 2), Armand Venter 74% (graad 2) en Danelle Venter 84% (graad 4). Hierdie vier het onlangs musiekeksamen van die Associated Board of Royal Schools if Music in Upington afgelê.

 

 

Hoërskool Olifantshoek, Akademie vir CVO se jaarlikse Potjiekosfees was vanjaar voorwaar ‘n fees vir oud en jonk. Daar is heerlik fees gevier by vanjaar se potjiekosfees. Die dag is afgeskop met ‘n optog deur die perdekommando wat vir menigte hoendervleis besorg het.

Die senuwees het geknaag by die 4x4-hindernisbaan, en spoed was beslis ‘n faktor by die kwartmyl – groot pryse was op die spel. Baie geluk aan al die wenners.

Met stalletjies te kies en te keur was daar in ieder en elk se smaak voldoen – van juwele tot vetplante en die allermooiste naaldwerk. Die foto-hoekie was beslis die gewildste en is daar behoorlik geglimlag en laf gewees in allerhande monderings.

Heerlike braaivleis, roosterkoek en pannekoek het die innerlike versterk en “Bottomless” koffie was sowaar ‘n lekker boeretroos. Die kinders het baljaar op die springkastele, die ponieperde flou gery en die perdekarritte terdeë geniet – hier en daar het ‘n gesiggie die gestalte van ‘n kat, hond of hasie aangeneem terwyl daar visgevang is.

Die lewende hawe veiling het gesorg vir ‘n uitstekende afsetgebied vir plaaslike boere, terwyl die biertuin gesorg het vir ‘n koel lafenis vir die kele. Daar was koekversier dat die biesies bewe: pa’s, ma’s en die kleinspan het hul oorgegee aan hul kreatiewe kant.

Die deelnemers aan die potjiekoskompetisie se stalletjies het die tema: “Om die Kalaharivuur” beslis gestand gedoen en Herman Kallerman het met die wenpot gespog. Tot laataand is daar heerlik geskoffel saam met Deben se boere-orkes.

‘n Groot dankie aan Olifantshoek se gemeenskap vir hulle ondersteuning, al die borge en Hoërskool Olifantshoek Akademie vir CVO se groot bydrae om van hierdie fees ‘n sukses te maak.

Maak ‘n groot aantekening om beslis nie Olifantshoek se potjiekosfees mis te loop in 2017 nie.

The Parlotones, a South African band that made it big internationally, visited Kathu on Saturday 17 September 2016. About 800 tickets were sold for the event. It was a great experience to see them perform live!

The Early Childhood Development (ECD) Flagship Project was formally launched on 25 August 2016 by Renewable Energy Investments South Africa (REISA). The objective of the project is to ensure that all ECD centres in Gamagara are in a position to provide quality childcare and education for children up to the age of 6.

The focus of the project will be on governance training, parental involvement, training for ECD management team and ECD practitioners, financial management training; food gardens, and the creation of income generating opportunities for locals.

The project duration will be 3 to 5 years. The project will adopt a phase approach with phase 1 focusing on capacitating practitioners with formal training to obtain a qualification in NQF Level 4: Further Education and Training Certificate in ECD and NQF Level 5: Higher Education and Training Certificate in ECD.

Phase 1 of the project will target both practitioners and assistants at the identified ECD centres in Kathu, Deben, Olifantshoek, Mapoteng and Siyathemba (former Dingleton).  A total of 65 practitioners will be trained.

The desired impact of the Flagship Project is to improve qualifications and performance of ECD practitioners, increase the parental involvement at ECD centres, improve the effectiveness of management teams, ensure financial sustainability of ECD centres, and ensure food security at the centres.

Project Manager of the ECD project, Mrs Veronique Isaacs said, she and the REISA team were happy about the progress of the Project. “We are committed to developing and capacitating the ECD sector within the Gamagara Municipality, through our ECD Flagship Project. With the focus of both national and provincial government on early childhood development, our project is in line with international and national priorities”, said Mrs Isaacs.

 

People who attended the launch.

Die gewilde gospelsanger, Retief Burger, het op Vrydagaand 23 September 2016 by El Gibbor Kalahari Bikers’ Church opgetree. Die gebou was volgepak, maar Retief gee alle glorie aan God. Die aand het ‘n baie gewyde atmosfeer gehad en Retief het die meeste van die tyd met sy oë toe gesing, terwyl die mense saam met hom sing en God se naam verheerlik.

Van Huis Jan Vorster se inwoners sit aan vir 'n spitbraai-ete - vlnr: Mevv. Minnie Hutton, Marie Nel , Bellie Welge-moed, Elmarie Oberholster, Blanche van der Merwe, Babs Van As, Joey Sham, Marie Steyn en Eunice Weyers.

 

By Huis Jan Vorster het die spitbraairokie vroeg op Saterdag 24 September al aangekondig dat ‘n verrassing op Erfenisdag aan’t kom was. Buite het woonstel- en binne-inwoners en gaste gesellig die ideale somerdag geniet terwyl die bestuur en personeel besig was met die etereëlings.

Binne in die eetsaal was die tafels keurig gedek en het die inwoners, van hulle familie en genooide gaste en die bestuur van Huis Jan Vorster aangesit vir die vingerlekete wat voorgesit was.

Voor die ete ‘n aanvang geneem het, is deur eers amptelik afskeid geneem van die voorsitter van Huis Jan Vorster, mev. Kosie Venter, wat na 38 jaar.

die tuig neergelê het; ook van haar man, mnr. Bertus Venter, wat getrou al die tyd aan haar sy was en ook op vele terreine waardevolle diens deur die jare aan die tehuis gelewer het.

Namens die bestuur het mnr. Martin Moller die aanwesiges ingelig oor die pad wat die Venters geloop het en hulle betrokkenheid by die tehuis; namens die inwoners het mev. Eunice Weyers vir hulle ‘n solo gelewer en namens die personeel het Marlene Cooper ook ‘n woordjie van dank vir die baie jare se diens gebring.

In mev. Venter, wat steeds die voorsitter by ACVV is, se antwoord , het sommige gegewens ‘n mens se gedagtes na die “goeie ou goedkoop dae” , maar waar geld tog ook baie skaars was, teruggelei. Drie van die erwe waarop die tehuis gebou is, was aangekoop van CAM (Consolidated African Mines) vir R820 en twee privaat vir R500 elk. Die tender van die argitek destyds was R98 962.79 wat deur die Departement deels gesubsidiëer is en die ACVV self vir R24272.17 moes instaan – ‘n byna bomenslike taak destyds. Die laagste tender, van ene mnr. A.C. van der Westhuizen, is aanvaar.

Mnr. en mev. Jannie en Lily Pretorius, destyds van die ACVV, het deurentyd met mnr. J. Vorster van die Departement van Gemeenskapsbou en Volkswelsyn in Kimberley onderhandel om ‘n waardige tehuis vir bejaardes van dié omvang binne die raamwerk en voorwaardes van die Departement en eie finansiële vermoëns daar te stel.

Na oneindige onderhandelinge, berekeninge, sketsplanne en kwotasies, en baie meet en pas, is Huis Jan Vorster op 24 April 1971 ingewy. (soos op foto gesien kan word , oorhandig mev. Venter die gegraveerde, silwer sleutel aan die nuwe voorsitter, mev. Ruffini.)

Mettertyd is ‘n ruim sonkamer , kamers vir ‘n siekeboeg en verskeie woonstelle bykomend op die terrein opgerig.

Die Hoofkantoor van die ACVV. (Afrikaanse Christelike Vroue Vereniging) is in die Kaap. Hulle het 64 residensiële fasiliteite vir bejaardes in Wes -, Oos -, Suid - en Noord-Kaap. Alhoewel dit in die huidige finansiële tydvak intense beplanning en bestuur verg, voorsien hierdie fasiliteite in ‘n groot behoefte aan bejaardes. Met goeie bestuur en deelname en hulp van instansies en die publiek is Huis Jan Vorster ‘n tuiste vir baie.