28
Wed, Jun
42 New Articles

Rehoboth Christian School het die afgelope paar weke pannekoek en ander lekkernye by die skool verkoop as fondsinsamelingsprojek. Hulle wil graag hul borge bedank wat dit 'n groot sukses gemaak het: Ouers, Spar en Pick n Pay. Die skool waardeer dit baie.

Hoërskool Kathu en Pick n Pay Heritage Mall bied op Saterdag 24 September 2016 vanaf 10:00 tot laat ‘n braaikompetisie by Heritage Mall aan.

Spanne gaan teen mekaar braai, daar sal stalletjies wees, kindervermaak, ‘n biertuin, rugby op die grootskerm asook verskeie kunstenaars wat sal optree.

Toegang is gratis. Verskeie maatskappye gaan uurliks vanaf 11:00 tot 20:00 kompetisies hou waar groot pryse gewen kan word.

Kom geniet die dag se vermaak saam met Pick n Pay en Hoërskool Kathu.

The Sishen Intermediate Mine School in Sesheng near Kathu held a fun-filled beauty pageant on Friday 09 September 2016 to raise funds for the school. In the girls’ section, (fltr) were first princess Maneela Moremi, the Queen Kabelo Setlhare and second princess Kgalalelo Bodumele. In the boys’ section (fltr) were second prince Thero Van Rooi, Mr Handsome Tlhompho Magalanyane and the first prince Realeboga Tlhaole.

 

POPPEKAS

 

Die graad 6 groep het ook ‘n poppekas opgevoer. Die groep het ook ‘n diploma vir goeie spel en kreatiewe poppe verwerf. Agter: Estiaan Davel, Inkel Nel en Lené Jacobs. Voor: Marno Coetzee en Rique Slabbert.

 

 

SPREEKKORE


 

Die graad 5 spreekkoor van Laerskool Kathu (wat ook graad 4 leerders insluit), sowel as die graad 6 spreekkoor, het op Donderdag 15 September 2016 deelgeneem aan die eerste rondte van die NEA Eisteddfod 2017 wat plaasgevind het by Curro Kathu. Die graad 5’s het 'Stuur groete aan Mannetjies Roux' van Laurika Rauch opgevoer en graad 6’e het ‘n draai in Hillbrow gemaak.

Die beoordelaars was gaande oor hul optrede en beide spreekkore verwerf diplomas. Slegs items wat diplomas behaal in die eerste rondte, dring deur na die volgende rondte van die kompetisie.

Laerskool Kathu se spreekkore dring dus albei deur na die volgende rondte.

Die skool wens hierdie leerders geluk. Voorspoed vir die volgende rondte.

Die afrigters van hierdie uiters talentvolle groepie leerders, jufroue Riana Slabbert, Lindi Vries en Karin van Neel, het hul dank en trots teenoor die skool en die ouergemeenskap uitgespreek, vir hul volgehoue ondersteuning vir die uitbreiding van die kultuurprogram van die skool.



DJEMBE TROMME

 

Die graad 3 Djembe Tromgroep het ook deelgeneem. ‘n Ritmiese, kleurvolle uitvoering, propvol dinamiese hard en sag is gelewer. Duidelike konstraste was hoorbaar. Het jy dit gesien? Met trots het hulle ‘n diploma verwerf! Hulle sien uit na die volgende rondtes van ritmiese drom en dreuning. Baie dankie aan die afrigters, Chanél du Plessis en Shani Venter vir jul leiding.   

 

‘n Appel ‘n dag laat dalk die dokter wag, maar om met ‘n drukkie by die skool verwelkom te word, sorg beslis vir ‘n glimlag. Leerders by Curro Kathu is op Vrydagoggend 9 September 2016 bederf met drukkies en suigstokkies vanaf Meneer Conradie en personeel. Leerders is verwelkom by hul ouers se voertuie. Curro Kathu is game changers en maak 'n verskil in elke leerder se lewe. Curro het op hierdie sonnige dag 'n glimlag op elkeen se gesig gesit. Foto’s: Sulette du Bruin

Gamagara Emergency Management Services visited Bana Early Childhood Development Centre on Tuesday 13 September 2016. The learners got the opportunity to hold the fire hose!