Laerskool Kathu se finaliste vir 2017 se Meneer en Mejuffrou Laerskool het hul-self tydens die fotosessie gate uit geniet. Hierdie groep gaan op Dinsdag 9 Mei almal te siene wees op die loopplank by die laerskool. Kom kyk en word weggevoer na Parys - die stad van liefde - tydens Mnr en Mej Laerskool Kathu. Kaartjies i R100 en is beskikbaar by die Finansiële kan-toor asook by VRL. Die fooi sluit ook 'n ete in.
Ons pragtige deelnemers is in geen spesifieke volgorde nie: Robyn Cloete, Hanke Opperman, Hallé Diergardt, Carli Kruger, Stacy April, Inke Nel, Miquala Liebenberg, Nosmanga Snyman, Tiisetso Khabae, Isago Mogadile, Lohann Pieters, Marno Coetzee, Rique Slabbert, Armand Greeff, Alwyn Kotze en Xavier Mageman.

Juffrou Prudence Visagie, 'n oudleer-der van Hoërskool Carlton van Heerden in Upington, is met ingang 1 Maart 2017 by Rietfontein Gekombineerde Skool aangestel. Sy het haar B.Ed studies aan die NIHE in 2016 voltooi. Hierdie gron-slagfase onderwyseres sal  vir graad 1B verantwoordelik wees. Graag word hierdie beginnersonderwyser alle sterkte toegewens vir haar pad in die onderwys.

Op 25 Maart 2017 het leerders van Laerskool Kathu deel geneem aan die ATKV Redenaars Kompetisie in Kimberley.  Die doel van die kompetisie is om Afrikaans onder die jeug in sy totaliteit en verskeidenheid te bevorder sodat leerders daardeur bemagtig kan word om in Afrikaans 'n leidende rol te speel as toekomstige leiers van Suid-Afrika. Gaynor Louw (graad 6) het gepraat oor " Klik het haar verbeelding gesteel". Joshua Pretorius (graad 5) het geredeneer dat hy voete van klei het en vrese kan oorkom. Lorinda van Rooyen (graad 5) was trots op haar land en het die gehoor oorreed dat hulle in 'n unieke land bly.

Op Vrydag 10 Maart 2017 het Kathu Voor-trekkers hul 41ste bestaansjaar gevier deur 'n bak-en-brou aktiwiteit vir die jeug-lede aan te bied.  
Nadat elke jeuglid probeer het om 'n appel te hap wat in water dobber en daarna 'n lekkertjie uit 'n bak meel vas te byt, het die laerskool jeuglede die geleentheid gekry om 'n kolwyntjie te versier met lekkergoed en versiersuiker. Die hoërskool jeuglede het spookasem en toffie appels gemaak.

Hierdie drie leerders, Joane Long-land, Bianca, Barnard en Anke Barnard, het op 04 Februarie 2017 provinsiale dansoudisies afgelê en gekwalifiseer vir die Suid-Afrikaanse Kampioenskap-pe vir Uitvoerende Kunste, wat van 31 Maart 2017 tot 09 April 2017 by Nasrec, Johannesburg gaan plaasvind. Die Ka-thu Gazette wens julle baie voorspoed toe.

By Bana Vroeë Kinderontwikklingsentrum het verlede week 'n waterpretdag gehad ter viering van nasionale waterweek. Gedurende waterweek, herdenk Suid-Afrikaners dié belangrike lewensbron. Bana het 'n hele dag afgestaan aan hierdie inisiatief en het die kleuters met waterwurms en springkastele vermaak. Die kleuters het ook lekker gesmul aan waatlemoene. Waaksame juffrouens het deurentyd 'n ogie gehou.

Pikkie Pret kleuterskool het Menseregte dag ook be-kend as Heldedag gevier. Die dag was vol opwinding met kinders wat al te fraai gelyk het met al die verskillende kostuums. Karakters soos Batman en Wondervrou en vele ander sprokiekarakters was uit-gebeeld op die dag. Juffrouens het ook die avontuur gedeel om ook as verskillende karakters aan te trek. Dit was sowaar 'n Heldedag vir Pikie Pret.