Foto’s bo: Aden Sickles en Byron La Meyer as o/9 tjokkertjies in Laerskool Kathu en die twee spelers soos hul vandag lyk – o/14 spelers wat droom daarvan om internasionaal te speel!

 

 

 

Twee graad 8-leerders, Aden Sickles en Byron La Meyer, albei oud-leerders van Laerskool Kathu, was tydens die April skoolvakansie op ‘n rugbytoer saam met hul skool, Hoërskool Noord-Kaap (Kimberley) se rugbyspan.

 

Hulle is nou al 8 jaar spanmaats en hulle het ook albei ‘n 5 jaar skoolbeurs vanaf Hoërskool Noord-Kaap verkry vir rugby.

 

Tydens die toer is hulle uit 2400 spelers verkies om deel uit te maak van die Southern Cape Sports Tour o/14 rugby-groep wat na Nieu-Seeland (Christchurch) toe toer vanaf 28 September 2016 tot 3 Oktober 2016!

 

Die toerkoste is R37 212 per speler, daarom vra hul ouers vir borge om hierdie seuns se droom waar te maak.

 

Vir meer inligting, kontak Donna Sickles op 071 603 6000 of Marlins La Meyer op 083 768 9075.

 

Baie geluk aan Curro Kathu se o/9 Knights wat vanjaar se Van Druten kampioene is, nadat hulle Postmasburg 15-7 in die finaal geklop het. Hiermee het hierdie span ‘n ongelooflike seisoen afgesluit op ‘n baie spesiale wyse. Baie geluk aan Ryno Mouton en sy mede-afrigter, Spekkies, en dankie vir julle harde werk. Foto: Hettie du Plessis

Laerskool Kathu se o/11 seuns en dogters spanne het van 26 tot 30 April 2016 aan die Tennis 4 Life Toernooi in Betlehem deelgeneem. Hierdie toernooi is van die beste toernooie wat Suid-Afrikaanse Junior Skoletennis kan bied. Die toernooi het met verloop van jare die uitstalvenster van o/11 tennis geword. Vanjaar is die agste jaar wat Truida Kestell hierdie toernooi aanbied.

Dit was werklik vier dae van ongelooflike tennis wat plaasgevind het. Altesaam 64 spanne het in verskeie rondomtalie toernooie deelgeneem. Die laaste dag is uitklopwedstryde gespeel om die rangorde van wenners te bepaal.

Elke groep het bekende Tennis wêreldkampioene se name gehad.

Laerskool Kathu se seuns was ingedeel in die Roger Federer-span. Dit het skole ingesluit soos Eikestad (Stellenbosch), St. Benedict’s (Johannesburg), Frankfort en die Inter Africa span van die hoofborg. Ons seuns het uitklopwedstryde teen die Rafa Nadal en Novak Djokovic spanne gespeel.

Zander Steenkamp slaag daarin om 5 van sy 6 enkelwedstryde te wen. Dit is ‘n skitterende prestasie! Welgedaan, Zander.

Laerskool Kathu se dogters was ingedeel in die Victoria Azerenka-span saam met Reitz, Fairland, Eureka, Stellenbosch. Die dogters het hul uitklopwedstryde teen die Victoria Azarenka en Angie Gerber spanne gespeel.

Graag sê die spelers dankie aan Mnr Hammies van Niekerk wat hulle hierdie geleentheid gebied het. Hul ouers en borge soos Waterpro, Zanray Motors, Woolworths se personeel, Ocean Basket, NMS Steelworks het ook die toer vir hul moontlik gemaak. Hul afrigters, Cecile Murruy en Mortan Coetzee, julle is dié beste. Julle het die span afgerig en gereed gemaak vir hierdie toernooi.

 

Voor: Matthew Duimpies. Middel: Quinton van Heerden, Shani Steenkamp, Liance Rust en Tian Barnard. Agter: Mortan Coetzee (spanbestuurder), Michaela Lamprecht, Sharol-Ann Pedro, Zander Steenkamp, Zander Boshoff, Marga van Zyl en Cecile Murray. Foto: Hettie du Plessis

Die Trysome Hoërskool Kathu Eerste Rugbyspan het Hartswater 49-5 geklop. Met nege wedstryde op hul kerfstok, is dié span steeds onoorwonne! Samuel Muzaza en Majolo Lenge het elkeen drie drieë gedruk en Celez Massozi, Marko van Niekerk en Berry Hendriks elkeen een drie. Twee van die drieë is verdoel.

 

 

Span haal Top 40

 

Hierdie span is ook pas aangewys as nommer 40 op die top 40 skole in Suid-Afrika volgens die School of Rugby Rankings op 3 Mei 2016 – heel gepas in die 40ste bestaansjaar van die skool.

 

Kalahari Mixed Martial Arts klubs onder leiding van Shihan Pieter Pretorius het op Saterdag 7 Mei 2016 weereens gewys hoekom hulle die sterktste klubs in die Noord-Kaap is. Kalahari Mixed Martial Arts bestaan uit Kathu en Kuruman. Instrukteurs is Shihan Pieter en Sensei Rainer Jacobs,  Danielskuil, Sensei Richard Daneel en Hotazel, Sensei Peet Struwig.

Klubs van regoor die Noord-Kaap en omliggende provinsies word uitgenooi na die Kalahari Winter Challenge wat jaarliks vanaf 1992 aangebied word. Klubs wat aan die kompetisie deelgeneem het is Kathu, Kuruman, Danielskuil, Hotazel, Kimberley, Upington, Mafikeng en Christiana. Soos gewoontlik was die kompetisie ‘n reuse sukses met 142 inskrywings.

Deelnemers kan in 9 verskillende items deelneem naamlik, kata, kumite, point fighting, continuous fighting, weapon forms, breaking, mma light, spankata en tag team fighting. Die jongste deelnemers was slegs 5 jaar oud en het die toeskouers omtrent op hulle voete gehad tydens hulle gevegte.

Die uitslae is as volg:

 

Hooffoto (bo): Kuruman Mixed Martial Arts klub, voor: Dewald Olivier (1 goud, 3 brons), Deny Agenbag (1 goud, 1 silwer, 2 brons), Maruschka Venter (1 goud, 3 silwer, 2 brons), Adianca Maree (1 goud, 2 brons), Logan Jones (3 brons). Middel: Wian Viviers (2 brons), Radley Valla (1 goud, 2 brons), Henru Viviers (1 silwer, 3 brons), Jeandre Matthee (3 brons), Yden Agenbag (3 goud, 1 silwer, 1 brons), Benrico Cengcani (1 silwer, 1 brons). Agter: Kevin Hellere (2 goud, 1 silwer, 2 brons), Jemima van Schalkwyk (6 goud), JP Nieuwoudt (3 goud), Surene Grewyling (4 goud, 1 silwer), Wiandi Taljaard (7 goud, 1 silwer), Gerdre Noeth (3 goud, 1 silwer, 3 brons), Henrico Cordier (3 brons). Afwesig: Ansheila Oosthuizen (1 goud, 3 silwer, 1 brons) en Henco Bubb (1 silwer, 1 brons).

 

Kathu Mixed Martial Arts klub, voorste ry- Bronwin van den Heever (2 goud, 1 silwer, 2 brons), Ayden Eilerd (3 silwer, 1 brons), Jonathon Shone (3 goud), Johan Janse van Rensburg (1 silwer, 1 brons). 2de ry: John Labuchagne (1 goud, 3 brons), Retief Botha (3 brons), Lohan le Roux (1 goud, 1 silwer, 1 brons), Lylle Pieterse (3 goud, 2 brons). 3de ry: Francois Rautenbach (2 goud, 1 silwer, 3 brons), Janko Janse van Vuuren (3 goud, 1 silwer), WJ van Zyl (2 goud, 1 silwer), Reaquan Jacquire (1 goud, 1 brons). Agter: Stefan van der Merwe (1 goud, 1 silwer), Jessey Isaacs (4 goud, 2 silwer), Ricardo Bezuidenhout (1 silwer, 1 brons), Brian Shone (4 goud, 2 silwer), Anz-Lee Eilerd (3 goud, 2 silwer, 1 brons). Afwesig: Jessica da Silva (5 goud), Sensei Jacques Seaman (1 silwer, 1 brons), Sensei Rainer Jacobs (3 goud).

Hotazel Mixed Martial Ats klub, voor: Casey Petersen (2 goud, 1 brons), Matthew Wessels (2 brons), Franco Erasmus (2 silwer, 1 brons), Drian Swamers (1 silwer, 2 brons). Agter: Xena Petersen (2 goud, 2 silwer), Peet Struwig, afgrigter (2 goud), Annarie Vermeulen (4 goud, 1 brons), Jaco de Kock (3 silwer). Afwesig: Janco Pieterse (1 brons).

 

 

Danielskuil Mixed Martial Arts klub, voor: Matthew Hensall (1 brons), Ricutt Grove (1 silwer, 1 brons), Anthonie Grove (2 brons), Middel: Rumon Warne (1 goud), Kgotso Kgakatsi (2 goud, 1 brons), Samson Lakay (3 goud), Ayden Bowers (2 silwer). Agter: Monique Ludike (3 silwer), Janika van der Westhuizen (3 goud, 3 silwer), Juandre Nortje (1 goud, 2 brons), M’Cayla van Niekerk (1 goud, 1 silwer), Leona Burger (2 silwer), Kagisho van der Post (1 goud, 1 silwer, 1 brons). Baie geluk aan al die lede van Kalahari Mixed Martial Art klubs. Baie dankie aan die getroue afrigters, Sensei’s Rainer Jacobs, Sensei Richard Daneel en Sensei Peet Struwig.

 

Op 27 April 2016, het Hoërskool Kalahari op tuisgronde teen Hoërskool De Aar koppe en stokke gestamp.

Die hokkie eerste span van Kalahari verloor 3-0 teen De Aar, en hulle 2de span en beginners ly ook ‘n nederlaag teen De Aar. Kalahari se netbal vaar goed met 8 wedstryde wat gespeel is teen De Aar en Hotazel, met net Kalahari se o/19c span wat net-net verloor met 7-9 teen Hotazel.

Kalahari se rugbyspanne het almal goed gevaar met groot oorwinnings teenoor De Aar, behalwe die o/15A span wat 0-28 teen De Aar verloor.

Die dag is afgesluit met die ribbetjiebraai kompetisie.

 

Hoërskool Kalahari o/19A teen De Aar o/19A.

 

Die eerste rugbyspan van die Hoërskool Kathu het op Donderdag 21 April 2016 met ’n sege van 10-5 oor Hoërskool Vryburg geseëvier. Die puntemakers was Marko van Niekerk en Leon van Jaarsveld wat elkeen ‘n drie gedruk het. Hierdie oorwinning het hulle die interskole beker bekom.

 

Die eerste netbalspan het ook met die beker weggestap, na ‘n naelskraap oorwinning van 20-18.

 

Hoërskool Kathu se pom-pom meisies het oudergewoonte die skare op hul voete gehad met hul danspassies.