Voor vlnr: Stephan de Klerk, Hendrik Buys (afrigter), Hein van Wyk en Eghan Coetzee. Agter vlnr: Stiaan Burden, Darren Coetzee, Hugo Meyer en Herman van Niekerk (kaptein). Afwesig: Albert Slabbert, Arno Esterhuysen, Boeta van Zyl, Leon Steyn en Jacobus Cronje. Foto: Hettie du Plessis

 

Die eerste krieketspan van Hoërskool Kathu het op Vrydag 14 Oktober 2016 vir Hoërskool Daniëlskuil met 10 paaltjies gewen in die T20 semi-finaal en Saterdag vir Kathu Dorp 2 in die klubliga met 4 paaltjies gewen nadat Herman van Niekerk 115 lopies gemaak het en Darren Coetzee 3 paaltjies geneem het. Hulle het beide wedstryde weg gaan speel.

Melincke Deetlefs, ‘n leerder by Hoërskool Olifantshoek Akademie vir CVO het die Noord-Kaap Provinsiale span by die Destiny NMA-ISKA karate te Stellenbosch verteenwoordig.  Sy het drie brons en drie goue medaljes verwerf, asook die SA –Karate Presidentspan gehaal.

Voor vlnr: John Labuschagne (9), Shane van der Walt (9), Nathan Hattingh (6) en Petrus Kampher (8). Agter vlnr: Duan Janse van Rensburg (10), Natasha van Tonder (afrigter), Anke van Wyk (10) en LP Aucamp (8). Foto: Hettie du Plessis


Op Woensdag, 21 September 2016 het hierdie groep jong spelers vir die eerste keer die gholfbaan betree. Hulle is deel van Playgolf Kathu. Natasha van Tonder, eienaar van Playgolf Kathu, in samewerking met Sishen Gholfklub, het Playgolf se kwartaallikse "mini-toernooi" aangebied. Die opwinding was natuurlik baie groot en die spelers het almal potensiaal getoon. Deur so jonk te begin speel, het hulle ‘n groot voorsprong.

 

Curro Kathu maak krieketgeskiedenis

 

Dinsdag 11 Oktober 2016 was 'n geskiedkundige dag vir Curro Kathu deurdat hul 0/15 A krieketspan die 0/15A-span van Hoërskool Kathu met 42 lopies geklop het.

 

Laerskool Kathu se eerste krieketspan het op Saterdag 17 September 2016 deelgeneem aan Laerskool Seodin se “Six-a-Side” toernooi. Hulle het die eerste wedstryd teen Op die Voorpos verloor en van daar af elke wedstryd gewen en in die finaal beland. Die finaal is teen Laerskool Seodin gespeel en Kathu het dit ook gewen! Kathu is dus die kampioen van die dag uit tien skole. Sybrand Brink is aangewys as Beste Kolwer vir die dag. Die span het bestaan uit: Sybrand Brink, Marno Coetzee, Ashton van Wyk, Naldo Capes, Roman Erasmus, Jarred le Roux en Deaclan Diergaardt. Hulle word afgerig deur Mortan Coetzee.

 

Dertien van die Laerskool Kathu se o/9 en o/10 tennisspelers was van 22 – 24 September 2016 in Kimberley vir die Laerskool Newton se 0.10 tennistoernooi. Hierdie toernooi is vanjaar vir die vyfde agtereenvolgende jaar aangebied.

Deelnemende skole was Oranje-Noord, Hopetown, Senekal, Newton, Op die Voorpos, De Aar, Douglas, Eureka, Oranje Meisies en Kathu. Die totale hoeveelheid spelers was 109.

Laerskool Kathu se spelers het baie goed gevaar. Hulle het, so klein soos hulle is, ware sportmangees openbaar. Die skool is voorwaar trots op hierdie groep spelers en voorsien dat hulle vorentoe nog ‘n groep gaan wees wat vele toernooie vir die Laerskool Kathu gaan speel.

 

Voor - Laerskool Kathu se Seuns A-span, vlnr: Tian Barnard, Paul Cronjé en Divan Theron. Afwesig: Quinton van Heerden. Middel – Seuns B-span, vlnr: Erard Theron, Mathew Duimpies, Henré Nel en Carlo Booysen. Afwesig: Stephen Burke. Agter – Dogters B-span, vlnr: Michaela Lamprecht, Minke Badenhorst, Riané Grey en Ruané Combrinck. Foto: Hettie du Plessis