NW de Kock, ‘n graad 11 leerder van Rehoboth Christian School, het op Saterdag 30 Julie 2016 tydens die Gemsbok Rally in Upington stof in die oë van heelwat ouer motorfietsryers gery. Hy het ‘n spoed van 227,9km/h in die kwart myl (400m) behaal – ‘n persoonlike rekord vir NW.

 

NW op sy motorfiets. Inlas: NW in skooldrag.

Die o/12A netbalspan van Laerskool Kathu het op Vrydag 29 en Saterdag 30 Julie 2016 aan die SASN School Championships in Kuilsrivier deelgeneem. Hierdie span het besonder goed gevaar en gemengde welslae behaal, waarna hulle die 19de posisie in Suid-Afrika beklee. Die skool is baie trots op hulle. 

Demi Mac Vay, ‘n 16-jarige netbalspeler van Hoërskool Kathu, sal vanaf 6 Augustus tot 13 Augustus 2016 in Durban deelneem aan die o/21 SA Spar Kampioenskappe as deel van die Noord-Kaap Senior Netbalspan.

Na ‘n besering wat sy opgedoen het vroeg in Mei-maand, kon sy nie deelneem aan die skole netbalproewe nie, maar sy was oorgehaal om na die besering weer volstoom te oefen. Sy het by Kathu netbalklub gaan oefen en is daar die geleendheid gebied om te gaan vir die JTG streeks toernooi in Kimberley as ‘n o/21 speler. Sy is daar opgeneem in die Noord-Kaap span.

“Vir my is netbal ‘n absolute passie, ek geniet dit vreeslik baie, ek is so dankbaar en geseënd,” sê Demi. “Teenoor my Hemelse Vader, alle lof en eer, wanneer een deur toegaan, wag daar 'n beter een wat oopgaan. Ek gryp die geleentheid aan met beide hande.  Ek glo dat as God vir jou is, maak dit nie saak wie teen jou is nie!

Alle Eer aan U Abba Vader.”

Demi is ook gekies vir die Bokkie Week (30 Junie – 9 Julie 2016) te Kroonstad, ook in ‘n hoër ouderdom, sy gaan deelneem in die o/19 ouderdomsgroep.

Sy sal daar die Griekwas verteenwoordig.

Baie geluk met hierdie wondelike prestasie.

 

Demi Mac Vay.

Die o/14 sokkerspan.

 

 

Die o/12 en o/14 sokkerspanne van Laerskool Kathu het gedurende die naweek van 30 Julie 2016 deelgeneem aan ‘n sokkerdag op Lime Acres. Hulle het uitstekend gevaar en verskeie wedstryde gewen.

 

 

Die o/12 sokkerspan.

 

Laerskool Kathu se o/12A netbalspan het pas tweede in die Noord-Kaap geëindig en gaan op 29 en 30 Julie 2016 aan die SASN Primary Schools Top Schools Championships deelneem, dít nadat hulle op 22 Junie 2016 in Upington aan uitspeel wedstryde deelgeneem het. Hulle het drie van hul vier poel wedstryde gewen en een gelykop gespeel.

Hulle hoë doelgemiddeld, het hul ‘n plek in die semi-finaal besorg waar hulle teen Laerskool Seodin te staan gekom het. Hierdie was ‘n moeilike wedstryd, maar Kathu het die 11-7 gewen.

Die finaal was teen Laerskool Oranje-Noord. Kathu het ongelukkig hierdie wedstryd verloor, maar die skool is baie trots op hulle en wens hulle alle sterkte toe vir 29 en 30 Julie 2016!

 

Laerskool Kathu se o/12A-span.

Op Donderdag en Vrydag 16 en 17 Junie 2016 het Train a Legend 'n krieketkliniek by Laerskool Kathu aangebied onder mnr Mortan Coetzee se leiding. Die krieketkliniek het kolfwerk, boulwerk en veldwerkvaardighede ingeoefen. Daar is ook nuwe en gevorderde tegnieke aangeleer. Op Vrydag 17 Junie 2016 het die seuns aan die einde van die laaste sessie 'n mini-wedstryd gespeel om te kyk of hul die afgelope krieketkliniek se vaardighede kan toepas. Alles het mooi en goed afgeloop, die kinders het baie geleer en dit geniet. Train a Legend bedank graag vir mnre Hammies van Niekerk (Laerskool Kathu skoolhoof), Bernard Sherriff en André van Schalkwyk en Laterno's Kathu wat koeldrank geborg het.