Hoërskool Kathu se eerste netbalspan.

 

 

Soos soveel goeie dinge in die lewe het Hoërskool Kathu se netbalseisoen vir 2016  tot ‘n einde gekom. Die skool kyk terug op ‘n baie suksesvolle seisoen met baie hoogtepunte waarvan ons eerstespan oorwinning van 22-13 teen Kalahari op 6 Augustus 2016 beslis ‘n toppunt was.

Die meisies het hard gewerk en is oneindig dankbaar teenoor hul borge wat soveel vir hul moontlik gemaak het.

Remax Kathu het gesorg dat ons meisies pragtig lyk op die baan deur die eerste span netbal te borg en KFC die tweede span.

Die netbalmeisies en afrigtingspan sê met groot waardering baie dankie aan Remax Kathu en KFC.

 

 

Die tweede netbalspan.

Laerskool Kathu seuns en dogters o/13 tennisspanne het van 3 tot 6 Augustus 2016 aan die Truida Kestell tennistoernooi in Bethlehem deelgeneem.

Hierdie toernooi is ‘n fees van die beste Junior Tennis wat Suid-Afrikaanse Junior Skoletennis kan bied.

Dit was werklik vier dae van fenominale tennis wat plaasgevind het. Altesaam 76 spanne het in verskeie rondomtalie toernooie deelgeneem. Die laaste dag is uitklopwedstryde gespeel om die rangorde van wenners te bepaal.

Elke groep het bekende wêreldkampioene se name gehad.

Laerskool Kathu se seuns was ingedeel in die Novak Djokovic-span. Dit het skole ingesluit soos Highbury (Durban), Frankfort, Louw Geldenhuys en Pietersburg-Oos. Hierdie span het uitklopwedstryde teen die Rafa Nadal en Kevin Anderson spanne gespeel.

Hulle het een van hul ses wedstryde gewen.

Die Kathu seuns het uit twintig skole negentiende geëindig na ‘n verbete stryd.

Laerskool Kathu se dogters was ingedeel in die Gabine Muguruza-span. Dit was Frankfort, Pietersburg-Oos, Jan Celliers, en De Aar. Hierdie spanne het hul uitklopwedstryde teen die Eugenie Bouchard Angie Gerber spanne gespeel.

Die dogters kon daarin slag om Eureka met 4 wedstryde teenoor 0 te wen na ’n baie goeie wedstryd. Hul uitslae is as volg: wen 42-30 teen Frankfort, verloor 35-36 teen Jan Celliers, verloor 36-38 teen Op die Voorpos en verloor ook teen Pietersburg-Oos.

Die Kathu dogters eindig uit 21 skole met ‘n sestiende plek wat uitstekend en welverdiend is.

 

Agter vlnr: Mortan Coetzee (afrigter), Inke Nel, Jessica da Silva, Anika Gerber, Jana Beukes, Lenize Wolstenholme en Cecile Murray (afrigter). Voor vlnr: Cobus Solomon, Alwyn Odendaal, Dirk Uys Coetzer en Zander Steenkamp.

NW de Kock, ‘n graad 11 leerder van Rehoboth Christian School, het op Saterdag 30 Julie 2016 tydens die Gemsbok Rally in Upington stof in die oë van heelwat ouer motorfietsryers gery. Hy het ‘n spoed van 227,9km/h in die kwart myl (400m) behaal – ‘n persoonlike rekord vir NW.

 

NW op sy motorfiets. Inlas: NW in skooldrag.

Die o/14 sokkerspan.

 

 

Die o/12 en o/14 sokkerspanne van Laerskool Kathu het gedurende die naweek van 30 Julie 2016 deelgeneem aan ‘n sokkerdag op Lime Acres. Hulle het uitstekend gevaar en verskeie wedstryde gewen.

 

 

Die o/12 sokkerspan.

Johan Kruger, Lyle Pedro en Rémon Rabie van Curro Kathu het op Saterdag 30 en Sondag 31 Julie 2016 aan die Vrystaat / Noord-Kaap Ope by die Kimberley Gholfklub deelgeneem. Rémon het ‘n eerste plek behaal, Lyle ‘n derde plek en Johan ‘n vierde plek. Baie geluk.

Die o/12A netbalspan van Laerskool Kathu het op Vrydag 29 en Saterdag 30 Julie 2016 aan die SASN School Championships in Kuilsrivier deelgeneem. Hierdie span het besonder goed gevaar en gemengde welslae behaal, waarna hulle die 19de posisie in Suid-Afrika beklee. Die skool is baie trots op hulle.