Curro kleuresport

Op Vrydag 26 Januarie, het Curro Kathu gesorg vir heerlike sport op die atletiekveld. Die skool het twee spanne naamlik Lactarius (blou) en Blanco (wit).
Tydens die dag het van graad 1 tot graad 12 leerders, asook gewillige personeel en ouers deelgeneem. Een van die hoogte-punte is gewoonlik as die ouers en perso-neel resies hardloop teen mekaar.
Uitslae van die dag is as volg:
Junior Victor Ludorum Paul Thorne en Junior Victrix Lodorum Taylin Cornellissen.
Victor Ludorum graad 4 - 7 Luthando Ntlangoni en Victrix Lodurum graad 4 - 7 Mia Roos.
Victor Ludorum graad 8 -12 Keown Ja-cobs en Victrix Lodurum graad 8 -12 Ellené Stonestreet.
Beste prestasies van die dag is behaal by die velditems deur Demi Mevay gewigstoot 10,27m en by die baanitems het Paul Thro-ne die 80m in 09:63 sekondes gehardloop.
Baie geluk aan die atlete en aan almal wat deelgeneem het - al was dit sommer net vir die lekker daarvan.


Hoërskool Kathu
geniet atletiek

Op Dinsdag, 30 Januarie, het Hoërskool Kathu hulle jaarlikse kleuresport aangebied. Die skool het jaarliks drie kleur-groepe en elke leerder is vooraf  ingedeel in een van die spanne. Die groepe is rooi, blou en wit. Elke jaar heers daar lekker gees, alhoewel dit meestal baie warm is neem die atlete steeds deel.


Jaarlikse atletiek in Hotazel

Op 26 Januarie het Hotazel Kollege hulle jaarlikse kleure atletiek aangebied. Die skool het twee kleurgroepe gehad, die rooispan wie se tema Red Pirates en die blouspan wie se tema Blue Surfers was. Die leerders het baie mooi deelgeneem aan die baan-en veldnommers en ook tussendeur gesorg vir goeie gees en vermaak.

Bianca Barnard, 'n leerder van Curro Kathu, het erekleure vir dans ontvang asook die volgende prestasie behaal: FDSA (Finnish Dance Sport Assosiation)  Vrystaat kleure in Moderne Dans en tweede plek in 'Musical Theatre'.
Sy het die Noord-Kaap by die SA kam-pioenskappe verteenwoordig en ontvang 6 goue, 6 silwer en 2 brons medaljes. Sy word ook gekies vir SA-span wat Suid-Afrika sal verteenwoordig by die wêreldkampioen-skappe in 2017/2018. Bianca kwalifiseer om in 2018 aan die World Dance Masters in Kro-asië te gaan deelneem. By 'n onlangse kom-petisie het sy sewe eerste plekke verower.
Baie geluk aan dié talentvolle danseres.

Vanaf 5 tot 7 Oktober het Hoër-skool Upington se o/15A-net-balspan aan die Nasionale Kampioenskappe in Vanderbijlpark deelgeneem. Die top 2 spanne uit elke provinsie het meegeding om die top-posisie in die land. Dit was 3 dae van baie opwinding en groot uitdagings vir die span.
Uppies bevind hulself in 'n sterk poel met onder andere Oranje Meisieskool, Affies, Rustenburg  en Paarl Girls High. Die span moes  hul eerste twee wedstryde op aksie netbalbane speel weens reën. Dit was 'n groot uitdaging omdat dit hul eerste wedstryd ooit op so 'n baan was. Om die uitdaging gro-ter te maak kom hul te staan teen Oranje Meisieskool van Bloemfontein. Soos ware Uppies het hulle die uit-daging met groot moed aangepak en as oorwinnaars uit die stryd getree. Die meisies het ware “Uppie guts” gewys en was halftyd gelykop teen Affies met 7 elk.  Uppies  wen vyf van hul agt poelwedstryde en kwalifiseer dan om uit te speel vir 'n posisie in die top 8 in die land. Na 3 dae se harde netbal eindig Uppies se O/15 netbalspan algeheel 8ste in die hele Suid-Afrika. Ons is geweldig trots op hierdie mooi prestasie.

Hierdie vier leerders van Curro Kathu het aan beide die span byeenkomste en individuele byeenkomste deelgeneem by die South African Junior Chess Cham-pionship (SAJCC). Hulle was ook die enigste leerders van Kathu wat  deelgeneem het. Daar was altesame sowat 2600 deelnemers. Die kompetisie was baie sterk, maar tog het die leerders baie goed presteer.

Willem Coetzee, van Hotazel Kollege, is verkies om as deel van die Noord-Kaapse swemspan aan die Internasionale kampioenskappe deel te neem. Hy is gekies vir die 50m en 100m Vryslag asook die aflosspan. Die byeenkoms het plaasgevind op 4 November 2017 te Sasolburg. Baie geluk Willem.

Curro Kathu se gholf dag het plaasgevind op Vrydag, 15 Septem-ber. Deelnemers en spanne het vroeg-oggend afgeslaan en die dag op 'n hoë noot begin. By verskeie watergate was daar borge wat verversings en versnaperinge reg gehad het vir die spe-lers soos hulle verby gekom het. Na die tyd was dit ook die prys-uitdeling. Die eerste plek wenners was die span van Kathu Auto Spares F. Mulder, M. Mulder, A.Ryan en A.Toy met 'n telling van 96, tweede plek wen-ners was die span van die Barber Shop J. Kruger, J. Brink, M. Nel en W. de Klerk met 'n telling van 93, derde plek wenners was die span van Tri Bake R. van den Bergh, A. van Eck, P. Heyneke en W. Alberts met 'n telling van 92, vierde plek wenners was die span van Mica Mining A. van Rooyen, H. Es-pach, Polla en R. Hat-tingh en die vyfde plek het gegaan aan Curro /Duin-in-die-weg R. Mouton, N. Kriel, R. Louw en L. Louw. Baie geluk aan elkeen wat deelgeneem het en bygedra het tot die sukses van die gholf dag. 'n Veiling was ook gehou om die geleent-heid mee af te sluit. Mnr  A van Rooyen het die bekende rugby-speler Alwyn Hol-lenbach van die Lions se getekende trui ge-koop.